Walay fixer sulod sa City Health - Dr. Makilang

GENSAN CITY HEALTH OFFICE-Walay  kamatuoran  ang  isyung  dunay  fixer  sa  buhatan sa  City  Health, kini  ang  nahimong  pagpaklaro  ni  Doctor Jacinto  Makilang  ang  Officer  in -Charge sa maong  buhatan.  Ang  pagpaklaro sa  maong  opisyal    may  kabahin sa  isyung duna  nay  tawong   galihok alang sa pagkuha  ug  health certificate  isip  usa  sa  mga rekusitos   aron  maka trabaho.   Gipaklaro  ni  Doctor  Makilang nga kinahanglang  sundon  ang  tukmang  proseso  aron   dili  madugay ang  manguha ug  sertipiko. “Alang sa pagkuha ug health certificate gikinahanglang ang attendance  sa laboratory gikan sa mga aplikante, busa dili tinood nga dunay mga fixer dinhi sa sulod sa atong buhatan, gani sa pag kakaron grabe ang nahitabong pila sulod sa City Health alang sa mga mulukat sa maong dukumento.” Gi-angkon  usab sa  sa  maong  opisyal  nga ila  nang nadungan  ang  maong  isyu  hinungdan  nga  ila  gilayon  kining  gipa imbestigahan. Gipanghingusgan  niini  nga  tungod  sa  mga  pamaagi  nga  ilang  gipatuman  karon sa ilang buhatan  malisdan  na  nga  makalusot  pa ang  mga  fixer. Subay  niini  nag- plano karon ang  city health nga mag himo ug master list alang ngadto sa mga kompanya nga gikinahanglan ma-isyuhan ug health certificate.

                Sa pikas nga bahin gihingusgan karon sa mga pipila ka mga trabahante sa General Santos City Fishport particular na ang mga laborer ilabi na sa mga dunay problema sa ilang mga requirements ang pag kuyanap na sa mga fixers nga andam matud pa nga mo proseso sa  ilang mga health card bisan dili sila mismo ang mag asikaso niini. Matud pa sa usa ka alyas “Jun”, (gitago ang tibuod nga pangalan), nakakuha matud pa kini ug health Card bisan wala siya miadto sa City Health Office. Sukwahi sa gibutyag sa labaw sa City Health nga si Dr.  Makilang nga walay nahitabong paglambigit sa mga illegal fixers sa ilang buhatan. Gidugang usab ni alyas Jun nga sekreto matud pa ang traksaksyon niya sa maong tawo nga mitabang kaniya bugti sa 350 pesos nga kantidad aron maka baton ug kaugalingong Health Card. Kahibaluan nga kinahanglan nga makakuha una ug Health Card ang usa ka trabahante nga gustong mukuha ug Identification Card sa naasuy nga fishport. Luyo sa maong panghimakak sa labaw sa City Health Office  nga walay naglimbigit nga mga fixer sa ilang buhatan dako pa gihapon ang posibilidad nga dili masiguro nga ang tanang naka baton ug Health Card Certificates ang tinuod gyud nga miagi sa ilang inspeksiyon.. (Jonila D./Cris Legaspi)