SHOWBIZ

Anak sa gobernador suitor ni Sarah Geronimo!

            HUMAN sa kontrobersyal isyu sa singer actress nga si Sarah Geronimo batok kang Cristine Reyes ug kanhing boy friend niini nga si Rayver Cruz anaa na usab bag-ong suitor si Sarah. Kini mao ang anak ni Camsur Gov. L-Ray Villafuerte nga si Miguel Villafuerte, 23 anyos. Apan sumala pa kang Sarah una niining na meet si Miguel atul sa concert niini human gi imbitahan sa gobernador. Aminado si Sarah nga nabatyagan na niini ang kamaayuhang ginapakita ni Miguel ngadto kaniya kay bisan anaa kini concert sa ubang nasud anaa usab si Miguel arun musuporta kaniya. Nasayran nga muadto sa Los Angeles si Sarah alang sa voice and dance lesson apan nakurat na lamang kini human nasayran nga muadto usab sa naasoy’ng lugar si Miguel para didto mu-eskwela sa kursong Political Science sa New York University. Sa pikas bahin giangkon ni Sarah nga dili pa niini priority ang lovelife tungod anaa pa siya sa traumatic stage human sa break up niini kang Rayver Cruz hinungdan nga career usa ang gipili sa singer. (Kathy Kasayan)

Jennelyn Mercado ug Luis Manzano mag-On ?

            GIHINGUSGAN karon sa sexy singer actress nga si Jennelyn Mercado nga wala pa niini gisugot ang TV Host actor nga si Luis Manzano atul sa mga tahong mikatag nga mag on na ang duruha. Kahinumduman nga makadaghang higayon na nga adunay nakakita sa duruha nga nag shopping sa usa ka mall sa Taguig City ug matud pa sa mga nakasaksi sweet nga nag uban silang Luis ug Jennelyn. Gibutyag sa sexy singer nga andam na kining musulod sa bag-ong relasyon human sa break-up niini kang Dennis Trillo. Samtang gikalipay usab ni Luis ang dagan sa iyang lovelife karon human sa makadugayng higayon nga naka move-on sa break up niini kang Angel Locsin. Sa pagkakaron nagpabiling hilom si Luis sa maong isyu ug gisaysay na lamang niini nga happy siya sa iyang career ug lovelife karong panahuna. Daghan usab ang nagatuo nga anaa nay maayong relasyon sa duruha nga posible matud pang mapadulong sa kamaayuhan.  (Kathy Kasayan)