SPORTS

Pacman-Marquez “trilogy” sa Nobyembre na!

 Sugdan na ni 8-division world champion Manny Pacquiao ang iyang training sa Septembre alang sa Part 3 nga panagsangka sa ring batok kang Mexican world lightweight titlist Juan Manuel Marquez.  Mismong si Pacquiao na ang mikumpirma sa giplastar nga fight batok sa Mexican warrior. Kahibaluan una ng miprima si Marquez sa fight contract nga gitanyag sa Top Rank Promotions niadting Mayo 19. Basi sa kontratang nakalatid ug nakasabutan, pagahimoon ang Pacquiao-Marquez 3 sa MGM Grand Garden Arena sa Las Vegas karong Nobyembre 12, 2011. “Yung date at kalaban ko sa next fight is segurado na yon, November 12, 2011” pamahayag ni Pacman. sa pikas bahin magsangka silang Pacquiao ug Marquez sa timbang sa catchweight nga 144-pound. Tuig 2004 unang nagharong ang mga nahisgutang boksidor kung asa nahimong kontrobersyal nga draw ang desisyon sa mga judges, samtang niadtong tuig 2008, daug ang pambansang kamao pinaagi sa split desisyon. (Ed Angeles)

                      Oscar de la Hoya, Nagparehab!
             GIKAKUGANG karon ilabi na sa World Boxing Council (WBC) ang pagpa-rehab sa boxing legend ug kanhing 10-time World Champion ug future hall of famer Oscar dela Hoya kini ang pamahayag ni (WBC) President Jose Sulaiman.  Sumala pa niini dili lamang ang mga aktibo ug kanhing boksingero ang nakurat kun dili apil na usab dinhi ang fans sa nahisgutang boksidor.  Dugang pa ni Sulaiman, daghang mga boksidor ang gagamitan ug ginabawal nga druga kung kini walay mga trabaho kun dula.  Kahibaluan si Dela Hoya usa sa mga nanag-iya sa international promotional boxing outfit nga Golden Boy Promotions. Una na niini giangkon sa maong boksidor  nga aduna siyay nasinatiang dakong problema hinungdan anaa siya karon sa California-area drug facility  tungod sa cocaine problem. Ulahing nakigsangka ibabaw sa ring si de la Hoya niadtong tuig 2008 batok kang 8-division world champion Manny Pacquiao kung asa daug ang Pinoy ring superstar. Sa pikas bahin gikasubo usab sa pambansang kamao ang pagparehab sa nahisgutang boksidor.

(Ed Angeles)

Efren "Bata" Reyes, daug sa 2011 10-Ball Championship

SUBLING nasungkit ni Efren Bata Reyes ang titulong 2011 10-Ball Championship didto sa Amerika kung asa sayong nagpakita ug maayong performance ang Pinoy cue master ug gipildi ang giiliang “the magician” sa tibook kalibutan sa billiards nga si Raj Hundal sa Great Britain. Apan una pa niini, gipildi sa pambato sa Pilipinas ang kaatbang nga naggikan  sa Amerika nga si Sal Butera sa third round sa iskor nga 8-6. Wala usab nakaporma ang usa pa ka American contestant nga si Dennis Hatch human gipildi ni Reyes sa second round. Tungod niini,  naangkon ni “Bata” ang titulong 2011 10-Ball Championship. (Ed Angeles)

AZKALS nangandam sa World Cup

HUGOT nga gipangandaman karon sa Philippine Football Team Azkals ang umaabot niining dula batok sa team Sri Lanka alang sa World Cup qualifying nga mahitabo karong  Hunyo 29 tuig 2011. Ang first match mahitabo  sa Hunyo 29 sa Sri Lanka.  Samtang ang Azkals maoy mo-host sa Sri Lanka sa Hulyo 3 sa Rizal Memorial Sports Complex alang sa second leg. Kahibaluan, pakyas ang Philippine Football Team Azkals nga magpabilin sa ilang ranking sa Federation International De Football Association kun FIFA human nahulog sa ika- 156^th place nga gikan sa 155th nga pwesto. Gibasihan sa FIFA ang natala nga iskor sa team Azkals kung asa sa pang-regional level nga dula sa nahisgutang grupo ulahing gipildi niini ang ang anaa sa lower rankings sa Asian Football Confederation (AFC) Challege Cup, susama sa Mongolia, Myanmar, Palestine, ug Bangladesh. (Ed Angeles)