Brgy. Apopong – Gihatagan ug pagtagad ni Hon. Ronnel Rivera ang mga kabatan-unan sa Purok 6, New Society, Brgy. Apopong, GenSan. Atul sa pagsaulog sa kapistahan sa San Isidro Labrador, niadtong milabay’ng Mayo 14, 2011. Gihagit niini ang mga kabatan-unan mismo ang mga lumolopyo nga angayang mahilambigit sa mga kalihukan ug mamahimong aktibo sa mga pasundayag ug dili usab kahilimtan ang katoyuan sa pagsaulog sa naasuy nga kapistahan.
Sa maong ginbuluhaton, natigayon ang pinaka una nga Budots ug Showtime Group Dance Showdown nga gisalmutan sa pipila ka mga batan-un sa Barangay ug kasikbit nga dapit. Nahimong Champion sa Budots ang grupong Kalit kalit Crew samtang First Placer ang Mix Crew, sa Showtimeusab nahimong Champion mao ang B-Wize samtang nahimung First Placer ang DVC nga naggikan pa sa Barangay Fatima.
Gipasalamatan usab sa tanang Opisyales sa Purok 6 New Society sa pagpanguna ni Purok Chairman Joemar Plasabas ang mga niabag ug suporta sa maong aktibidad luyo sa kakulangon sa panahon ug pundo pinansyal sa maong purok.
Ang naasuy nga programa giabagan ni SK Chairperson Laurienz Janine Fernandez ug suporta gikan nila Vice Mayor Shirlyn Bañas-Nograles, Kag. Rivera ugBrgy. Capt. Ruel Pacquiao sa tumung niinI nga mabalik sa komunidad ang kasadya ug malinawon sa matag kapistahan.
Hinuon natapos ang kalingawan nga malinawon pinaagi sa mga Barangay Tanod ug Force Multifliers sa maong barangay sa pagpanguna nila Kag. Mic Maramara, Chief Tanod Officer Joseph Darang, Police Personnel Makar PNP ug JTF Gensan nga gipangunahan usab ni Col. Joselito Kakilala ug Cpl. Danilo Dumalag. (Bonie Santillan)
No comments:
Post a Comment