Maasim, Sarangani Province – mihatag ug Motion For Extension ang liderato sa 73rd Infantry Battalion sa Philippine Army sa Commission on Human Rights kon CHR aron mahatagan sila ug higayon nga iprepara ang counter affidavit batok sa gipadangat nga reklamo sa Center for Lumad Advocacy and Services kon CLANS. Sumala pa ni Lieutenant Colonel Adolfo Espuelas Jr.,nga ilaha ng napadala ang ilahang motion sa upisina sa CHR aron hatagan pa sila ug dugang oras aron maprepara ang ilahang counter affidavit batok sa reklamo sa CLANS mahitungod sa alegasyon nga human rights violation. Dugang pa ni Lt. Col. Espuelas nga wala pa’y tubag ang Commission on Human Rights sa ilahang gihangyo nga palugwayan pa ang adlaw nga gihatag sa nahisgutang ahensya aron matubag ang alegasyon sa mga reklamante. Kahinumduman nga nag reklamo ang mga miembro sa CLANS ug mantutudlo sa Upper Suyan, Malapatan tungod sa gihimong pagbahad sa usa ka Lt. Roldan ug mga kaubanan niini kanila. Kasamtangan, anaa pa sa buhatan sa CHR ang motion for extension kun asa naghulat na lang sa tubag sa nahisgutang ahensya ang 73rd IB. (Rhay M. Dela Cruz)
No comments:
Post a Comment