Taba nga nakuha pinaagi sa liposuction mubalik sa ubang parte sa lawas?
Milungtad na ngadto sa tulo ka dekada nga duna nay mga libuan ka mga kababaehan ang mipailalom sa gitawag nga liposuction aron kuhaon ang mga nanobra na nga taba sa ilang lawas. Gibutyag nga ang resulta sa paghiwa pinaagi sa kutsilyo sa mga nanobrang taba mao ang pagka seksi ug pagkaporma sa lawas ug ang pagkawala sa nagka kurba-kurbang tambok sa tiyan nga bahin, likod ug ang pagkawala usab sa naglaylay na nga mga bokton sa laktod nahimo nang seksi ang imong lawas.
Ang liposuction ang usa ka operasyon aron nga mapanindot ang korte kun porma sa lawas human nga tanggalon ang nanobra na nga mga fats kun mga taba sa lawas. Kini pinaagi sa pag inject ug daghang medical fluids ngadto sa dunay taba nga bahin ug gilayong supsupon kun suyopon ang fluid uban sa taba pagawas sa lawas. Sagad sa mga pasyente niini ang makasinati lamang ug paghapdos ug bun-og apan kini mawala gilayon ug muresulta kini sa pagkanindot sa porma sa lawas inubanan sa pagdyeta ug pag ehersisyo sulod sa pipila ka bulan.
Apan gibutyag usab sa bag-ong pagtuon sa University of Colorado nga dunay mga bag-ong taba ang mitubo sa laing parti sa ilang lawas, ilabi na kadtong mipailalum sa liposuction aron kuhaon ang taba nga anaa sa paa ug sa pus-on nga bahin. Matud pa ni Dr. Teri L. Hernandez ug Robert H. Eckel sa University of Colorado nga human sa usa ka tuig nga nakalabay sukad sa pagpa lipo subli matud pang mubalik ang mga taba sa lawas apan sa managlahi na nga mga parte sa lawas sama na lamang sa bukton, abaga ug sa tiyan nga bahin, sama ra matud pa nga ang gipangkuha nga mga tambok sa ubos nga bahin sa lawas ang magkatag sa taas nga bahin. Gidugang pa nga kini tungod kay ang lawas nagkontrola sa daghanon sa fat cells ug sa tambok nga mihupot niini, ang pagkawala sa fats cells anmg kinahanglan usab nga pabuhi-on pagbalik. Kini nagpasabot nga kung ang liposuction miguba sa estraktura sa lawas hinungdan nga dili na makatubo pagbalik ang fat cells ug didto na kini sa ubang parte sa lawas. Apan bisan pa mansa maong pagtuon daghan sa gihapong mga kababaehan angandam nga mupailalom sa liposuction.
(VENUS C.)
No comments:
Post a Comment