Petisyon batok sa administrasyon, nadismis

City Councilor Ronnel C. Rivera ug si City Vice Mayor Shirlyn Bañas-Nograles

 (Photo by: Bonie Santillan)

GENERAL SANTOS CITY - GIDISMIS na sa korte ang petisyon nga gisang-at nilang Honorable Vice Mayor Shirlyn Bañas Nograles, City Councilors Ronnel C. Rivera ug Dominador S. Lagare III batok ngadto sa mga AIM councilors nga silang Elizabeth B. Bagonoc, Vivencio E. Dinopol, Richard L. Atendido, Nepthalie P. Natividad, Eduardo Leyson IV, Dante S. Vicente, Virginia T. Llido, Marius Orlando A. Oco, Margareth N. Santos, Remus P. de Claro ug Lourdes F. Casabuena niadtong nakalabay’ng semana ilalum sa sala ni Hon. Judge Panambulan M. Mimbisa sa Regional Trial Court kun RTC Branch 37. Gipawalay bili sa korte ang petisyon sa mga nahisgutan. Sumala pa sa abogado sa mga kagawad ubos sa administrasyon nga si Atty. Henares wala matud pay gisupak nga balaud ang pagpasa sa mga konsehal sa IRP kun Internal Rules and Procedures sa ika-16^th Sangguniang Panlungsod. Sa napulo ka probisyon sa reklamo sa Bise Mayor bugtong ang pagdeklara ug Recess "moto propio" ang nabalik.  

                                        (Ed Angeles/Cris Legaspi)