ITR Ni Pacquiao dakong tabang sa Sargen!

GIBUTYAG ni Atty. Franklin Ladores, District Revenue Officer nga dakong tabang sa ekonomiya sa Sargen ang pagbalhin ni Cong. Emmanuel “Manny” Pacquiao sa iyang BIR Registration dinhi sa dakbayan. Angayan matud pa nga dinhi mofile si Pound for Pound King Manny Pacquiao tungod dinhi nakapahimutang ang iyang mga negosyo ug nagserbisyo usab kini isip Congressman “Tama lang nga diri sya magfile sa Gensan kay dako gyud ang iyang matabang. Unya sya man ang Congressman sa Sarangani Province ug naa pud diri ang iyang mga negosyo.” pahayag ni Ladores.

Nasayran nga nigukod sa pagfile ug income tax returns si 8-time world division champion Manny Pacquiao una pa man ang deadline niadtong Abril 15 tuig kasamtangan. Sumala pa ni Atty. Ladores, adunay niadto sa iyang opisina ug nagpabalo nga nakafile na si Congressman Pacquiao sa usa ka bangko. “May pumunta dito sa office at nagsabing nakafile na nga sya sa bangko.” dugang pahayag ni Atty. Ladores.

Una nang gikumpirma ni Atty. Ladores nga gibalhin na ni Pacquiao ang iyang BIR registration dinhi sa GenSan gikan sa Pasig City. Nagtoo usab kini nga makab-ot nila ilang monthly target collection nga P145 million ug collection goal karong tuiga ilabina nga dinhi sa GenSan mobayad sa iyang buhis si Pacquiao. Kahibaluan nga usa sa mga bigtime taxpayer si Pacquiao sa nasud. (Gretchen O.)