Erap ug Chavit nag-abot atul sa B-day ni Mommy D.

Mommy D. Birthday: Gov. Chavit Singson ug Ex-Pres. Erap Estrada kauban si Cong. Manny Pacquaio (Photo by: Bonie Santillan)

GIKAKURAT sa mga bisita atul sa selebrasyon sa ika - 62^nd birthday ni Mommy Dionesia Pacquiao ang pagtambong ni kanhing Pangulo Joseph “Erap” Estrada ug Ilocos Sur Governor Luis “Chavit” Singson. Mismong si Manny Pacquiao ang miimbita kang Gov. Singson nga mutambong sa adlawng natawhan sa iyang inahan samtang si Mommy D usab ang miimbita kang Ex-president Estrada. 

Gumikan niini pipila sa mga bisita ang nabalaka tungod dugay nang wala nagkita ug nag tining-ganay ang duruha human misaksi si Singson sa impeachment trial ni Estrada hinungdan nga napalagpot kini sa iyang pwesto. Sa maong selebrasyon mukabat ngadto sa usa ka libo ka mga sibilyan ang nakasaksi nga nag ting-ganay na ang duruha ug nagtapad pa kini ug pwesto. Mahitungod niini miugong ang mga taho nga posibleng giwala na sa duruha ang wala nilang pagsinabtanay tungod sa kadugay na sa panahon. 

Kahinumduman nga niadtong tuig 2009 human namatay ang inahan ni Erap usa si Chavit sa mga miduaw ug nagapadayag ug kasubo sa pamilyang Estrada. Matud pa ni Erap “I’ve forgiven him long ago. He’s welcome to come here.” Gikalipay usab ni Mommy Dionesia ang pagsinabtanay sa duruha tungod lang sa iyang selebrasyon. Nakahilak usab tungod sa kalipay ang Pac-Mom human gituman ni Manny ang gipangayo niining Hermes bag nga nagkantidad ug kapin usa ka milyon ka pesos. (Kathy Kasayan)