73rd IB andam makig dayalogo sa CLANS

ANDAM makig-dayalogo ang liderato sa 73^rd Infantry Battalion sa mga miembro sa Center for Lumad Advocacy and Services Incorporated kon CLANS kini human nagpatawag ug press conference ang CLANS mahitungod sa nahitabong pagpanghasi sa grupo sa 73^rd IB sa ilahang mga kaubanan sa Upper Suyan, Malapatan, Sarangani Province. Sigon pa ni Lieutenant Colonel Adolfo Espuelas Jr., nga andam sila makipag dayalogo sa CLANS aron masanta na ang panagbangi sa duha ka grupo. Dugang pa sa opisyal nga mapasalamaton siya tungod sa gitunol sa CLANS nga pagserbisyo sa mga katawhan sa unom ka sitio sa Barangay Upper Suyan apan matud pa nga kinahanglan usab nga makipag coordinate sa probinsya ang CLANS sa tanang mga proyekto nga ilahang ginahimo sa nahisgutang lugar. “ As part of the government/kasundaluhan we are thankful sa CLANS for delivering basic services na yun to compliment void of government services”. Sa katapusan, andam matud pa ang kasundaluhan sa 73^rd IB nga makig-alayon sa CLANS aron masanta na ang kalisod ug makatabang sa kaayuhan  sa nahisgutang lugar tungod matud pa ang kalisod ang hinungdan sa pag-alsa armas sa mga katawhan nga anaa sa nahisgutang lugar. (Rhay M. Dela Cruz)