SARANGANI CAPITOL - Kasado ug andam na ang Hero’s Welcome para sa pagbalik ni Sarangani Lone District Congressman Manny “Pacman” Pacquiao human sa iyang away ni Sugar Shane Mosley sa MGM Grand, Las Vegas niadtong Domingo, March 08, 2011 matud pa ni Sarangani Provincial Governor Miguel Rene “Migs” Dominguez. Una nang gikanayon ni Gov. Dominguez nga susama sa niagi niyang away ni Margarito, pag-uli ni Pacman sa probinsiya sa Sarangani, duna gyud kini hero’s welcome isip pag-ila sa kadaugan niini ug garbo sa mga Sarangan nga nahimong ilado sa tibo-ok kalibutan.
Usa kini ka inspirasyon sa mga atleta ilabina sa mga Sarangan ang nahimong kadaugan ni Cong. Pacquiao kang Mosley tungod kay gipahinungod kini kanatong Filipino.
Usa ka programa ang gi-andam na sa kapitolyo sa nasampit nga probinsiya para sa pag-abot ni Pacquiao isip pahalipay sa iyang kadaugan.
Nagkanayon nang daan ang gobernador nga nag-ampo ang mga Sarangan nga ma-knock out gihapon ni Pacquiao si Mosley ug mapatindog gihapon ang bandera sa Pilipinas nga mahimong lig-on ug mamahimong garbo gihapon nato ang mga nahimo sa atong atleta nga gipangunahan ni Congressman“Of course, we always welcome all of our athletes, our silent or spoken heroes, just like the previous fight, either winner or loss, we always welcome them in home as a hometown hero.” matud ni Governor Dominguez.
Sa dakbayan sa Heneral Santos gipreparahan na usab ang Grand Heroes Welcome alang sa kalampusang naangkon ni Pound for Pound King Congressman Manny Pacquiao batok sa away niini kang Sugar Shane Mosley . Sumala pa kang Avel Manansala sa City Mayors Office nga andam na ang Task Force sa Peoples Champ sa arrival sa WBO-Welterweight Title Holder. Usa ka magarbusong selebrasyon ang i-andam kay Pacquiao sa pag-uli niini sa Gensan ug Sarangani. Naghinam-hinam na usab ang mga fans ni Pacquiao nga makit-an ang kongresista sa ipahigayong motorcade nga mutuyok sa mga nag-unang kadalanan. (Kathy Kasayan/Arniel Arsolon)
No comments:
Post a Comment