ALABEL, SARANGANI PROVINCE – Nagpahigayon ug Agri-Lakad sa gulayan seminar ang East-West Seed Philippines sa mga mag-uuma sa Alabel kini alang sa dugang kahibaluan sa pagpalambo sa pag pang-uma. Gipahigayon ang maong seminar sa Barangay Baluntay sa farm nga gipanag-iyahan ni Mr. Bobot Clua, niadtong petsa 4 sa bulan sa Mayo. Mukabat ngadto sa kapin usa ka gatos ka mga mag-uuma nga nag-gikan sa nagkadaiyang barangay sa maong lungsod aron magbansay sa bag-ong pamaagi sa pag pang-uma. Unang gisuroy sa mga mag-uuma ang farm kung diin nagkadaiyang klase sa mga gulay ang nakatanom susama na lamang sa sa talong, ampalaya kamatis, cauliflower ug sweet corn. Gumikan niini gi-awhag ngadto sa mga mag-uuma nga gikinahanglan nilang mananum ug daghang klaseng lagutmon sa uma aron dunay daghang mapili-an ang mamalitay sa merkado. Mitambong usab si Hon. Kagawad Herculano L. Lacaba Sr. Chairman on Committee on Agriculture sa Barangay Poblacion, Alabel Sarangani, uban ang mga mag-uuma nga naga gikan sa ilang barangay aron matagaan ug dugang ayuda alang sa ilang puhunan sa pag pang-uma. Ang maong seminar katambayayong usab sa lokal nga pangagamhanan sa lungsod sa Alabel. (Arman Chavez Rabia)
No comments:
Post a Comment