Camp Panacan, Davao City – Nakadawat ug hinabang gikang kang Vice President Jejomar Binay ang pamilya sa mga namatay nga sundalo sa nahitabong panag engkwentro sa rehiyon. Sa gihimong programa sa Camp Felix Apolinario Mess Hall, personal nga gitunol sa bise presidente ang acash assistance sa pamilya sa mga namatay nga kasundaluhan. “Nakita at nauunawaan ko ang nararamdaman ninyo, hindi biro ang sinumpaang tungkulin na paglingkuran ang bayan” kini ang gipadayag ni Vice President Binay sa pakighinabi sa mga kabanay sa kasundaluhan. Ang ASK foundation ang labing dugay na nga Non-government organization nga nagahatag ug hinabang sa tanang enlisted personnel sa Armed Forces of the Philippines kon AFP kun asa aduna na kini’y 4,069 ka pamilya sa mga sundalo nga namatay ug 298 ka sundalo nga nasamdan sa panag engkwentro sukad tuig 1986 hangtod sa kasamtangang tuig. Gipadayag usab sa nahisgutang opisyal nga malipayon siya tungod daghan nang natabangan ang foundation kun asa gibutyag usab niini nga ang pagtabang sa pamilya sa kasundaluhan ang flagship program sa ASK foundation. Adunay 53 ang nakadawat sa cash assistance kun asa singkwenta niini ang kabanay sa mga namatay nga sundalo ug tulo ang kabanay sa wounded in action. Gisugyot usab sa bise presidente ang pagmugna ug “Libingan ng mga bayani” sa rehiyon aron mahatagan ug tukmang lubnganan ug pag-ila ang mga kasundaluhan nga makabsan sa ilang kinabuhi panahon sa panag-engkwentro. (Rhay M. Dela Cruz)
No comments:
Post a Comment