Mga konsehal nag-BANGI tungod sa TRO!

GIBANGIAN sa mga kagawad sa dakbayan sa Heneral Santos kung unsa ang angayang paga gamiton nga Internal Rules of Procedures kun IRP sa Sanggunian kini atul sa gipahigayong 41^st Regular session sa Sanggunian Panglungsod niadtong Mayo 5, 2011. Kahinumduman nahimong dakong bangi kini niadtong nakalabay’ng sesyon tungod sa Temporary Restraining Order nga giluwatan ni Hon. Judge Panambulan M. Mimbisa kung diin unom lang ka mga kagawad ang mitungha sa hawanan sa konseho samtang ang uban anaa matud pa importanteng gi-asikaso hinungdan nga wala nakatambong sa maong sesyon. Sumala pa ni Vice Mayor Shirlyn Bañas Nograles niadtong nakalabay’ng semana bag-o ang ika 41^st session, posibling ang 15^th IRP sa SP ang pagasundon sa sesyon, apan tungod sa gidusong mosyon ni Hon. Lourdes Casabuena nga ang pinakamaayong gamiton mao ang Roberts Rule of Order tungod mokabat na ngadto sa usa ka gatos ka tuig na kining ginagamit sa mga magbabalaud.  Naglibog ang pipila ka mga opisyal tungod matud pa ni Kag. Vicente Dante walay agendang mahitabo, tungod nakatala matud pa sa gi-isyung TRO sa Branch 37 Rule #10 Sec. 1 nga ginadili ang pagpirma sa majority floor leader sa pag-apruba sa order of business kini aron usab respetuhon ang desisyon sa korte. “Signing of an agenda by the Vice Mayor by the Sanggunian Secretary and even the majority floor leader is not allowed under the Temporary Restraining Order or else there will be cited for contempt. Ingon sa Jugde or sa korte under sa TRO apil diha ang rule 10 Section 1  ang gahum sa Majority Floor Leader dili mupirma sa agenda, kay gidili man sya under TRO..So meaning dili allowed nga mupirma ang Majority Floor Leader so kay dili man allowed meaning wala’y agenda.” Matud pa ni Councilor Dante. Gumikan niini gibati usab ug kasubo si City Councilor Beth B. Bagonoc sa Sanggunian tungod temporaryong mawalaan matud pa sya ug katungod isip Floor Leader apan sa katapusan nahatagan kini ug higayon nga maka-istorya. Milungtad ngadto sa 2 ka oras nga panagbangi tali sa opposisyon ug Aim councilors sa maong isyu. Luyo niini gipadayon gihapon sa mga councilors ang gimugnang agenda arun dili matud pa maapektuhan ang serbisyo sa katawhan sa dakbayan ug gigamit na lamang ang Roberts Rule of Order. (Kathy Kasayan/Ed Angeles)