Mga Pinoy nagsaulog sa kadaugan ni Pacman

Nagsaulog na usab ang mga Pinoy sa kadaugan ni 8-Division World Champion Manny Pacman Pacquiao niadtong adlaw’ng Dominggo pinaagi sa usa ka 12th round Unanimous Decision batok kang Sugar Shane Mosley sa ilang WBO World Welterwieght Title fight kung asa nadepensaan sa pambansang kamao ang titulo didto sa MGM Grand Arena Las Vegas, Nevada. Sama sa gihapon, wala gihapo’y makalupig sa Boxing Icon isip pound for pound king. Human sa pagkatumba sa ikatulong round, nagpanagana nag buhi sa iyang kinumo si Shane ug nagkapuliki na ug tabon sa iyang nawong aron dili kini mahimong punching bag. Klaro kaayong gidominar sa pambansang kamao ang dula samtang ubay-ubay usab ka mga Pilipino ang nagkanayon nga wala sila nalingaw sa maong away. Kahibaluan, kontrobersyal usab ang pagkatumba ni Pacman sa ika-10 rounds samtang giangkon usab kini sa referee ang sayop nga pag-ihap kang Pacman. Nagtuo si Mosley nga natumba si Pacman tungod naigo kini sa iyang kumo apan ang klaro diay, iya kining gitukmod. Nakuratan si Pacman nganong giihapan siya sa referee nga si Kenny Bayless. Hinoon sa maong kadaugan naghatag kang Pacman ug 54-3-2 nga record samtang si Mosley adunay 46-7-1. Ang tulo ka judges nga mipabor kang Pacman mi-iskor sa duwa pinaagi sa 120-108, 120-107 ug 119-108. (Ed Angeles)