Alabel Sarangani Province- Gipaklaro karon ni Municipal administrador Vicky G. Wuetz nga walay igong kasayuran si kagawad. Minandro Bong Dambong sa iyang gibutyag ngadto sa mga negosyante sa dihang nangutana kaniya mahitungod sa pag award sa mga puwesto sa sulod sa merkado publiko sa lungsod sa Alabel ug paghupot ug lima ka puwesto kini subay sa mga reklamo nga iyang nabati gikan sa mga negosyante sa maong lungsod nga gipang award na ni Wuetz kauban si Engr. Cesar Gingoyon ug Diosdado Faciol ang mga puwesto sa merkado publiko ngadto sa mga negosyante nga wala miagi kang Mayor Corazon Grafilo ang maong pag award sa mga stall o lamesa. Sumala pa ni Kagawad Dambong mag atubang ug kasong grave abuse kong mapamatud-an nga nakasupak sila sa bala-od.
Sumala pa sa administrador nga Vicky Wuetz wala pay nahitabong pag-award sa mga puwesto sa wet section nga gilangkuban sa gulayan,karnehan, isdaan ug protasan sulod sa merkado. Hinoon gipanghatag na ang mga numero sa stall ngadto sa matag negosyante sa nagkadaiyang puwesto ug gipaabot nalang ang pormal nga pag award sa mga stall kong makumpleto na ang mga rekusitos nga gikinahaglan sa committee sa merkado dugang pamahayag ni Wuetz. Mangutana unta si kagawad Dambong sa Committee sa merkado aron mahibaw-an niya ang tinuod nga pamaagi sulod sa merkado publiko dili kay iya dayong ibandilyo nga kami iyang pasakaan ug kaso nga grave abuse tungod kay ilegal ang among pag award. Ang tinuod wala pagayod mag award ang committee sa merkado dugang pamahayag sa administrador. (Arman Chavez Rabia)
No comments:
Post a Comment