Mga Pulis nga nangharass gi-relive na ug gipailalom na sa imbestigasyon- Col. Quidilla

Gi-relieve na ug gipailalom sa imbestigasyon ang napulo ka mga pulis sa Provincial Public Safety Company sa Sarangani Province Police Office, kini ang gipahayag ni Sarangani Provincial Director Florendo Quidilla.

Kini human nga gireklamo sa mga mananagat sa may Sitio Lago, Brgy. Kawas, Alabel, Sarangani Province nga nangharass ug nagpabuto kanila.

Nasayran pinaagi sa gihimong inisyal nga imbestigasyon ni Deputy Provincial Director Superintendent Henry Dazo nga alas diyes sa kagabhion niadtong Martes, April 19, 2011, dunay report nga naabot sa kapulisan nga dunay illegal nga mga kargamento nga ningdunggo sa Sitio Lago, Brgy. Kawas, sa munisipalidad sa Alabel, Sarangani Province.

Hinungdan nga girespondehan kini sa mga elemento sa Provincial Public Safety Company sa pagpanguna sa team leader nga si SPO2 Edwin Perlas.

PO1 Francisco Lara, PO1 Danilo Alinsugay, PO3 Edmund Estares, PO3 Gonzalo Demolar, PO2 Joel Cabrera, PO2 Hermogenes Pecolados, PO2 Christian Gonzales, PO1 Joel Nonat, PO1 Rommel Bedua ang mga pulis nga ning-uban sa pagresponde.

Apan gi-reklamo kini sa mga mananagat sa pagpanguna ni Lino Cabug tungod kay gipabuthan sila niining mga pulis ug gipangkuha ilang mga gamit.

“They were harassed, pinaputukan ng mga firearms, they were forced to jump from the pumpboat ngadto sa dagat, then, there were many missing items, tulad ng rupiah, Indonesian money, version ng complainant na inakyat ng mga pulis, then pinaputukan sila.” matud ni P/Supt. Henry Dazo.

Naa na karon ang mga nasampit nga mga pulis sa Provincial Police Office sa Sarangani Province samtang nagpadayon pa ang imbestigasyon sa reklamo nga ilang gi-atubang.  (Arnel Arsolon)