Ground Breaking sa hospital, I-atul sa usa ka tuig ni Congressman

Posibleng i-atul karong umaabot anibersaryo sa pagpangatungdanan ni 8^th Time World Champion Congressman Emmanuel Pacquiao ang pagpahigayon ug ground breaking sa luna nga paga tukoran ug Hospital. Luyo sa daghang mga “prospect area” alang sa maong proyekto, gihingusgan niini ang pagpadali sa pagpili sa mamahimong lokasyon. Kini ang nahimong pamahayag sa kongresman atul sa gipahigayong press conference sa Sarangani Capitol, Alabel Sarangani Province niadtong petsa 15 sa Mayo. Kahibaluan nga dugay na kining gilaraw sa kongresman sama sa saad niini niadtong panahon pa sa iyang pagpangampanya. Gidugang usab niini nga daghan pa kini ug planong pagpalambo alang sa probinsya ug kalabot niini ang iyang mga proyektong nahuna-hunaan bahin sa panginabuhian, trabaho, ingon man ang dugang turismo alang sa probinsya. Nanawagan usa ang kongresman alang sa panag hiusa sa tanang mga ginsakpan niini ingon man sa tanang mga pinoy sa tibuok kalibutan.

Kahinumduman nga misul-ob ug yellow nga gloves si pacman atul sa iyang away kang Mosley isip simbolo sa panag hiusa sa tanang mga Pilipino. Giawhag niini ang tanan nga padayonon ang iyang panagandoy alang sa tanan nga panag hiusa aron makab-ot matud pa ang kalambuan sa nasud ug labaw sa tanan ang pagpangka sa korapsyon sa nasud. Sa kinatibuk-an miani ug daghang palakpak ngadto sa mga nagkadaiyang sector sa probinsya ug mga media nga mitambong sa mong panag tigum gumikan sa ilang nabati nga maayong plano sa magbabalaud. Kahibaluan nga kini pa ang unang higayon nga paga tukuran ug hospital ang probinsya sa Sarangani. (Cris Legaspi/ Arman Chavez Rabia)