Krista Kleiner nagmalampuson ang operasyon sa mata!

NAGPASALAMAT ang Bb. Pilipinas 2010-International nga si Krista Kleiner tungod nagmalampuson ang gipahigayong operasyon sa mata niini niadtong milabayng semana. Unang gipasalamatan niini ang iyang higala nga maoy mi-refer kaniya sa nag inusarang Japan–based nga Shinagawa Lasik nga anaa sa Pilipinas nga mao ang Shinagawa Clinic sa Mezzanine, Tower 2, The Enterprise Center sa Ayala Avenue Makati kung diin mipailalom si Krista sa systematic eye screening. Pila na usab ka tuig nga gi-antos ni Kleiner ang pagsuot ug contact lenses arun dili maglisod sa pagtan-aw. Unang mipailalom sa lasik screening ang sexy singer nga milungtad sa duha ka oras anha gisundan sa lasik operation nga midugay ngadto sa 20 minuto. Syempre anaa usab ang boyfriend niini nga si RNB Prince Jay-R arun ubanan ang hinigugma samtang mipailalom usab kini sa Laser Ge­nesis ug Titan XL nga in-demand services sa Shinagawa aesthetics. Wala usab nakatuo si Krista sa malampusong operasyon nga iyang gi-again. “Hindi na po ako bulag after wearing glasses every day since I was in 3rd grade. It’s like a miracle,”  matud pa ni Kleiner. Si Krista ang ika duhang celebrity nga mipailalom sa lasik operation sa Shinagawa samtang mitala nga ang actress TV Host nga si Janice de Belen ang nag-una. (Kathy Kasayan)