GIKUMPIRMA ni Dr. Benjamin Pagarigan bag-ong labaw sa Gensan City Hospital nga usa sa iyang nakit-ang problema sa Gensan City Hospital mao ang kakuwangon sa mga doctor duna lamang matud pay 27 ka mga doctor ang anaa karun sa nasampit nga hospital.
Kahibalu-an nga bag-ohay lamang milingkod si Dr. Pagarigan niadtong Mayo dos kasamtangan tuig human Gihulipan niini si Dr. Alvin Alejandro. sa iyang serbisyo niadto pang tuig dosmil sais. Gibutyag ni Pagarigan nga kamanduan sa mayor sa Gensan ang pag butang ka niya sa posisyon.
Sumala ni Pagarigan “Basta I-continue lang namo ang pagserbisyo ug testingan maprocure ang mga needs hilabi na sa mga tambal, ug siguro kinahanglan ang mga supplies sa hospital pagwapuhon tungod kay murag luma na man gud.”
Plano usab sa bag-ong labaw nga i-activate na ang Intensive Care Unit (ICU) ug isunod niini ang pagdugang ug mga specialist tungod alang kaniya importante sa ICU nga dunay specialista.
Sa pikas bahin gikalipay usab ni Pagarigan ang hospital nga gikatakdang tukoron sa pagpanguna ni Sarangani Cong. Manny Pacquiao. Tungod pinaagi niini makunhuran ang mga pasyente sulod district hospital. Basi sa datos nga ilang gihimo trenta porsyento matud pa sa ilang mga pasyente ang gikan sa Sarangani Province. Ug sa higayun mahuman na ang hospital sa Sarangani dako na kini ug tabang alang sa mga Sarangan. (Jonila Dulay)
No comments:
Post a Comment