Gikatakda na karung Hulyo 1, 2011 ang groundbreaking sa provincial hospital, kini i-atul sa ika usa ka tuig nga pangatungdanan ni Congressman Manny Pacquiao. kini gikumperma ni Sarangani Board Member Virgilio Tobias sa pakighinabi sa Abante Socsargen News nga matigayon na ang ground breaking sa pagatukoron nga provincial hospital sa bulan sa Hulyo.
Kini ang gikasabutan niadtong Mayo 19 sa munisipyo sa Glan pinaagi sa pagpanguna ni Congressman Manny Pacquiao uban ni Gov. Miguel Dominguez, mga Board Members, mga Mayor sa naasoyng Lalawigan ingon man ang mga bise mayor.
Ang napiling lugar mao ang tulo ka ektarya nga luna daplin sa highway padulong Kawas, Alabel.
Sa 200 million pesos nga gihatag ni Pangulong Aquino, 70 million ang nahatag na sa provincial government alang sa nasampit nga hospital. Gibanabanang mukabat hangtud ngadto sa kapin 500 million pesos ang budget sa hospital kalakip na dinhi ang mga kahimanan. (Arnel Arsolon)
No comments:
Post a Comment