Alabel Sarangani Province - Nagpahigayon ang mga membro sa Public Market Committee pinaagi ni Municipal Admin Ms. Vicky Grafilo -Wuertz ug mga kauban niini nga silang Mr. Herson Dema-Ala, MR. Enriquito Daguplo, Dr. Honorato Fabio,Engr. Cesar Gingoyon, Engr. Vecente Dela Cruz ug Kagawad Lotis Villarico sa Munisipyo sa Alabel may kabahin sa pagpanghatag ug numiro sa lamesa sa wet section niadtong petsa 11 sa Mayo. Ang wet section gilangkuban kini sa isdaan,karnehan, prutasan ug gulayan sulod sa merkado. Wala kini gipaagi ug ripa ang pag apud-apud sa mga number sa lamesa tungod kay giuyonan sa kadaghanan. Kahinumduman nga gitukod pag-usab ang merkado tungod sa kahuot na sa nahisgutang lugar. Gipangunahan ni Mayor Corazon Grafilo ang maong lakang alang sa pagpang apud apud sa mga “Priority Number“ apan wala pa kini natunol ngadto kanila isip mga award ug mga tag-iya sa pwesto. Gipaabot nalang niini ang pagkumpleto sa mga papeles aron pormal na nga pagasugdan ang mga nagkadaiyang negosyo. (Arman Chavez Rabia)
No comments:
Post a Comment