Showbiz News May 16-22, 2011

Paolo Contis ug Lian Paz magpakasal na?

            Plano sa commedian actor nga si Paolo Contis nga pakaslan na ang kapin tulo ka tuig na niining girlfriend nga kanhing EB Babes dancer nga si Lian Paz. Kini ang gikumpirma ni Paolo sa dihang gikahinabi sa ABANTE SOCSARGEN NEWS niadtong Mayo 19. “In 2 years siguro pinapalaki pa namin ang mga bata, yun ang priotiry namin bago nakin asikasuhin ang sarili.” Si Paolo ug Lian anaa nay duha ka anak nga silang Xonia Aitana-2 years old ug Xalene Abriana- 2 mos.old. Gibutyag usab sa aktor nga dili pa niya buot pabalikon sa showbiz si Lian arun mahatagan niini ug igong pagtagad ang ilang mga anak. Aminado si Paolo nga si Lian na ang babayeng buot niining makauban sa iyang kinabuhi hinungdan nga sa pagkakaron ilabihan ang pagpaningkamot niini sa trabaho arun makapondar ug kwarta alang sa pagpakasal sa duruha. Uyon usab si Paolo nga musunod sa ilang naagdan ang ilang duha ka anak susama sa pagsulod sa showbiz industry puhon apan gikinahanglan nga prayoridad ang edukasyon. Sa pagkakaron anaa nay mga offered commercials alang sa ilang mga anak.                (Kathy Kasayan)

Sam Pinto No.1 sa FHM 100 Sexiest Women

            Nag una karon sa botohan ang Actress-model nga si Sam Pinto sa gipahigayong Online voting sa 100 Sexiest Women sa FHM Magazine kung diin nalabwan na niini ang kanhing nag unang FHM sexiest women kaniadto ang Kapuso star nga si Marian Rivera. Nasayran nga niadtong nakalabayng semana nag una sa ranking si Marian apan duha ka adlaw lamang ang milabayng nailog na ni Sam ang maong puwesto. Ang sexy actress nga si Angel Locsin usab ang nakasakmit sa ikaduhang puwesto samtang anaa na sa ika tulong puwesto si Marian Rivera, gisundan ni Kristine Reyes, Solenn Heusaff, Valerie Conception, Jennylyn Mercado, Lovie Poe ug Katrina Halili.   Sa pagkakaron padayon pa ang online voting alang sa mga sexy star ug matud pa sa nagpasiugda sa maong kompetisyon posible pang mag bag-o ang rankings sa mga sexy star tungod sa Hunyo 15 pa ang deadline sa maong botohan sa 100 Sexiest Women FHM Magazine.          (Kathy Kasayan)