Gawas kang Mommy D ug Pangulong Benigno Noynoy Aquino III nga buot nang paundangon sa iyang boxing career ang WBO welterweight champion Manny Pacquiao gusto usab sa pipila ka mga katawhan sa syudad sa Heneral Santos nga moritero na kini. Sa pakighinabi sa Abante News Team sa mga katawhan sa syudad didto sa Gensan gym kung asa adunay gipahigayong pay-per view, buot nila nga moritero na ang pambansang kamao ug motutok na lamang matud pa kini sa pulitika. “dako na kaayo ug nahatag si Pacman ug dungog sa atong nasud, para sa akoa unta moundang na s’ya sa iyang boxing career ug mofucos na lamang sa pulitika kay dako kaayo siya ug tabang ilabi na sa pag-agni ug mga dagkong investors, seguro mas maayo usab nga suportahan na lamang usab ni Pacquiao ang mga bag-ong henerasyon nga nangandoy nga mamahimong susama kaniya.” kini ang pipila ka mga tipik sa pamahayag sa mga Generals. Sa pikas bahin, wala pa matud pa sa bokabularyo sa pambansang kamao nga moritero na kini sa iyang career kung dili matud pa siya laayon sa pag bansay ilabi na ang iyang lawas, padayon matud pa siya sa iyang karera. Samtang aduna usa’y mga boxing fans nga bag-o matud pa siya moritero kinahanglan sangkaon pa una niya ang dugay nang gipaabot nga away batok kang Mayweather Jr. (Ed Angeles)
No comments:
Post a Comment