Gihangyo sa buhatan sa SOCOTECO II Electric Cooperative Inc. sa pagpanguna ni General Manager Rodulfo Ocat ang mga opisyales sa dakbayan nga himoong pribado ang Agus ug Pulangi Hydro Power Plants sa Mindanao. Mismong si City Councilor Elizabeth Bagonoc ang mipasa sa maong resolusyon arun mahatagan ug kasulbaran ang mga problemang may kalabutan sa kuryente. Sa privilege hour nga gihatag ngadto kang Ocat gi-ulan kini ug mga pangutana usa na dinhi ang kasiguraduhan nga mahatag niini sa dakbayan kung ugalin man aprobahan sa mga konsehal ang maong resolusyon. Gihingusgan niini nga ang pagbaligya sa Agus ug Pulangi Hydro Power Plants dakong tabang arun madungagan pa ug suplay sa kuryente ang Mindanao.
Aminado si Ocat nga kung mamahimong pribado ang nahisgutang sapa anaa gihapoy brownout nga mahitabo sa syudad apan dili kini sa makadaghang higayon. Apan pipila ka mga konsehal ang wala miuyon susama kang Hon. Ronnel Rivera nga matud pa niini kwestyonable ug gikinahanglan pa ug igong pagtuki ang maong resolusyon. Luyo kay Rivera, wala usab ming-uyon silang Hon. Dinopol, Hon. Atentido ug Hon. Natividad. Samtang silang Hon. Leyson, Hon. Casabuena, Hon. Santos, Hon. De Claro, Hon. Dante ug Hon. Bagonoc ming-uyon sa maong resolusyon. Tungod 6 ang mi-aproba ngadto sa 4 nahatagan ug higayon nga malakip ang maong resolusyon sa musunod nga session. Samtang padayon usab ang pagpahigayon ug hearing alang sa among ordinansa. (Kathy Kasayan)
No comments:
Post a Comment