Sarangani Provincial Capitol-MIHANGYO karon si Pound for pound King Sarangani Congressman Manny Pacquiao ngadto sa iyang mga natabangan nga magpabilin siyang kampeon sa mga kasing-kasing niini atul sa gipahigayon press conference pag abot niini sa gensan. Gi-angkon sa kongresista nga anaa na sa iyaha ang tanang materyal nga butang, kasikatan ug uban pang mga kadungganan sa kalibutan apan magpabilin gihapon siyang mapahiubsanon sa tanan. Kahibaluan nga pipila na ka mga foundation ang gipanag-iyahan ni Pacquiao lakip na ang paghatag niini ug mga scholarships sa mga utukan nga mga batan-ong kabus, duha ka ektaryang luna sa Barangay Kaltu-ad sa Glan Sarangani Province nga biktima sa landslide, lakip na usab ang pagtabang niini sa mga pamilyang nanginahanglan sa iyang tabang pinaagi sa pagpatukod ug ospital sa Alabel Sarangani Province. Gibutyag usab niini nga hangtud kaya pa sa iyang lawas ipadayon pa niini ang pagdula ug boksing sa tumong nga maipakita ang kamaayuhan nga anaa sa mga Pilipino. Nagpasalamat gihapon ang kongresista sa mga grasyang gihatag kaniya sa labawng makagagahum tungod dako ang pagtuo niini nga gikan kaniya ang mga enerhiyang anaa sa iyang kalawasan. (Kathy Kasayan)
No comments:
Post a Comment