Desperada...Buhaton ang Tanan
Ate Venz,
Nadala na ako sa sa akong gibati ug gani buot kung ipadayon ni Carlo ang iyang gihimo ngari kanako. Apan nakaamgo ako ug kalit ug kalit nahibalik sa maayong buot, tinuod Ate Venz nawala gayud ang akong maayong buot sa iyang gihimo kanako. Nakahinumdom ako nga duna pa diay akoy sikreto nga angay niyang mahibaluan una ko ihatag ang akong pagkababaye kaniya. Busa mihangyo ako kaniya nga mupauli na kami aron didto nako itug-an ang tanan. Tuod man sa tanan nakong gisaysay sa nadangatan sa akong pagkababaye, iya akong gisa-bot ug mikanayon nga kalimtan ang tanan ug magpadayon .
Nakahilak ako sa iyang gipakitang kaayo kanako. Sukad sa maong panghitabo wala na siya nagahimo ug lakang aron nga kami matintal ug mas milabaw ang akong kalipay ug naka-ingon ako nga naa pa diay Ginoo nga milantaw kanako tungod kay iya akong gihagad ug pakasal. Wala ako nakatuo, apan sa iyang panagway nakita nako ang iyang tinud-anay nga tinguha ug aron nga mas mutoo ako iya akong gihangyo nga muuban kaniya sa ilang probinsiya aron mahimamat ang iyang ginikanan.
Adlaw katong sabado sa dihang nagsakay kami ug bus padulong sa ilang dapit, dili ko masabtan ang grabeng kulba nga akong gibati .Sa akong pagtuo natural lang kadto ilabi na nga imong mahimamat ang “ future in laws”.sa dihang miabli na ang pultahan sa panimalay sa ginikanan ni Carlo nakurat ako ug walay tingog nga mugawas sa akong baba mao usab ang amahan ni Carlo nga misiga ang mata sa pagkakita kanako. Ate venz kasakit gayud kung ang kapalaran na ang magbinuang kanimo tungod kay ang amahan ni Carlo mao ang lalaking unang miangkon sa akong pagkabababaye lima na ka tuig ang nakalabay. Si Mr. Claro ang manager nga akong gihagit ug gitintal aron makighilawas kanako ,ang tawong mipusgay sa akong pagkabirhen aron lang madawat ako sa kompanyang akong gialagaran .
Sa akong kakurat mibalibad ang amahan ni Carlo nga kami makasal bisan unsaon sa pakiglalis ni Carlo dili na maminaw ang iyang amahan ug igo lang magkanayon nga mas angay nga ilhon una ni Carlo ang babayeng iyang minyuan..Bisan sa maong panghitabo padayong mipasalig kanako si Carlo nga iya akong pakaslan ug ihatud sa “altar”. Human sa maong panghitabo nakahukom ako nga ihatag kang Carlo ang dugay na niyang gikahinaman nga makipagsex kanako.Apan ako ng giplanuhan nga bisan sakit man sa akong kasing-kasing ako gyud siya nga buwagan isip balos ngadto sa ilang gihimo kanako sa iyang amahan….inyong magtatampo DESPERADA...
No comments:
Post a Comment