Mismong si Congressman Manny Pacquiao ang major sponsor sa gipahigayong Vermiculture seminar niadtong Abril 7-8, 2011 sa Quick Link House Alabel Sarangani Province, inabagan sa National Development Corporation ug ITONAMI Foundation. Mukabat ngadto sa 400 ka mga residente sa Barangay Bagacay, Spring, Baluntay, Maribulan ug Poblacion ang mitambong sa maong panagtigum. Gipangunahan ni Mr. Noel Lautingco Executive Director sa Task Force Luwas Kiniyahan ug Mr. Boy Lim Operation Manager sa naasoyng buhatan ang 2 ka adlawng vermin culture ug composting seminar kun pag pamuhi ug wate. Speaker usab sa maong panagtigum ang Vermin Culture expert nga gikan pa sa Manila nga si Michael Cagas. Gipasabot niini ang kamaayuhan nga mahatag sa pag gamit ug permira klaseng abuno kun organic fertilizer arun dili na mugamit pa ug synthetic fertilizers. Nahatagan usab ug mga libreng mga wate ang mga mitambong. Luyo niini nagpasalamat ang mga residente sa probinsya sa Alabel ngadto kang Congressman Manny Pacquiao tungod luyo sa ka busy sa kongresista nakahatag pa kini ug higayon nga tabangan ang mga Sarangan. (Arman Chavez)
No comments:
Post a Comment