PADAYON pang giimbistigahan sa Bula Police Station ang pagpamusil patay kang Sonny Casing, 47 anyos nga taga brgy. Fatima Gensan niadtong milabay’ng Semana gawas sa usa ka Mall. Matud pa ni SPO2 Franklin Pepito imbistigador sa maong buhatan, ila pang ginatigum ang uban pang detalye sa mga nakasaksi ug ang impormasyon sa kabanay sa biktima aron pormal na nga matudlo ang mga responsible. Sigun pa sa mga nakasaksi nga ang naasoy’ng biktima gipusil sa wala mailhing suspetsado gamit ang itom nga motorsiklo ug mikalagiw sa wala matinung deriksyon. Ang biktima nakaangkon ug pinusilan sa ulo ug dughan nga bahin hinungdan sa kamatayon niini.
(Joemar Plasabas/ Dave Silagan)
No comments:
Post a Comment