Pormal nang gipasang-at sa korte ang sumbong nilang Vice-Mayor Shirlyn Bañas-Nograles, City Councilors Ronnel C. Rivera ug Dominador S. Lagare batok nilang City Councilors Beth B. Bagonoc, Vivencio E. Dinopol, Richard L. Atendido, Nepthale P. Natividad, Eduardo Leyso IV, Dante S. Vicente, Virginia T. Llido, Marius Orlando A. Oco, Margareth Rose N. Santos, Remus P. De Claro ug Lourdes F. Casabuena.
Kahinumduman, nahimong mainiton ang isyung Internal Rules and Prosedures sa 16th Sangguniang Panlunsod sa Heneral Santos City. Kini human nga ubay-ubay ang nabag-osulod sa bag-ong IRP itandi sa niaging Sanggunian. Ang maong kasong sibil mipunting sa Internal Rules No. 4 Series of 2000 diin una nang migawas sa resolusyon nilang Kgd. Ronnel C. Rivera ug Kgd. Dominador S. Lagare nga buot amyendahan ang pipilang probisyon sa Internal Rules and Procedures.
Nahitabo ang pag-raffle sa maong kaso niadtong Biyernes, Abril 15, 2011 ug naka-skedyul ang hearing niadtong Lunes, Abril 18, 2011 sa alas 8:00 sa buntag. (Bonie Santillan/Anter Alcos)
No comments:
Post a Comment