UNANG semana karon ang pagrelease sa International Album ni 8-Division World Champion Manny Pacquiao nga mao usab ang pinaka una niining International Single. Niadtong Abril 28 una ng gipagawas ang version ni Manny sa kantang "Sometimes When We Touch" kung diin pipila ka mga foreigner singers usab ang nakauban sa kongresista. Sa gipahigayong recording niini mismong ang original singer sa kantang "Sometimes When We Touch" nga si Dan Hill ang nakauban ni Manny. Pipila usab ka mga sikat nga singers sama nilang Tina Turner, Tammy Wynette, Rod Stewart, Barry Manilow ug Engelbert Humdperdinck ang nahiapil sa album ni Pacman. Gikalipay sa kongresista ang pagdayeg ni Dan Hill kaniya tungod dili lamang sa ring maayo si Pacman kung dili lakip na usab sa hisgutanang pang-musika. Kahinumduman nga niadtong milabayng tuig gikanta usab ni Pacman ang single ni Dan Hill human nag guest kini sa International Jimmy Kimmel Show. (Kathy Kasayan)
No comments:
Post a Comment