Mag atubang sa patung patung nga kaso ang mga nasikop nga mga gituohang Carnapper nga silang Amer Mile, 20 anyos nga taga Marawi City, Jimboy Salem, 18 anyos nga taga Labangal, Ahip Abdul 18, nga taga Alunan , Bula, Sadam Bra 18, nga taga Marawi City ug Makacana “Macoy” Unday 30 anyos nga taga Marawi City.
Matud pa ni PSI Hover Antonio, labaw sa Bula Police Station nga ang mga Suspetsado mag atubang sa kasong Murder ug ang pagsupak sa RA 6539 (anti Carnapping Law of 1972).
Ulahing nabiktima matud pa sa mga nahisgutan mao si Odario Academia gipusil sa likod nga ang gimanihuan niini mao ang Pula nga motorsiklo nga adunay plaka nga 6800 MO ug mao usay susi hinungdan nga nasikop ang lima. Nabantayan ang nadagit nga motorsiklo ug nagpahigayon ug Flash alam sa tanang mga Police Station hinungdan nga naharang kini sa Tacurong Gasoline Station.
Sa paghinabi sa Abante Socsargen sa usa sa mga suspetsado nga si Amer Mile, giangkon niini nga mupara sila ug motorsiklo dayong ila kining duslakon o kon patyon ang Drayber ug isibat ang motor. Tulo ka mga kaso sa pagpangarnap gikanayon niini susama sa Merkado Publiko, sa Amao ug sa usa sa mga Balbakwahan sa Alunan. Ang mga nakarnap nga mga motorsiklo matud pa ilaha kining ibaligya sa Marawi City sa Kantidad nga P10,000 hangtud sa P22,000 ka pisos. Giangkon usab ni Makacana Unday nga silang lima usa ka grupo lamang.
Padayon sa gihapon ang pagtigom sa uban pa nga impormasyon maykabahin sa maong Krimen ug temporaryong napasaka ang kasong Carnapping una ang Murder.
(Joemar Plasabas)
No comments:
Post a Comment