“Hindi kami nagtatago” - BJMP

HUGOT nga gipanghimakak sa Bureau of Jail and Penology Management kon BJMP ang alegasyon nga dili matud pa maayo ang ilang pagtratar sa pipila ka membro sa lokal nga media.

Atol sa gipahigayong 39^th Regular Session sa Sangguniang Panlungsod, niatubang ang duha ka labaw sa maong buhatan nga silang Regional Director Jail Senior Superintendent Pio Capistrano ug Superintendent Arnel Peralta kung diin gitubag sa duruha ang pipila ka mga pangutana sa mga media ug mga konsehal.

Kahinumduman, ubay ubay nga reklamo batok sa maong buhatan tungod sa wala’y tinong tubag sa mga pangutana sa media may kalabutan sa pagkamatay sa mga piniriso sulod sa bilangguan. Limitado usab ang impormasyon nga ilang ginapagawas hinungdan nga nagpabilin ang dakong pangutana sa mga media nga buot makahibalo sa kamatuoran mahitungod sa pagkamatay sa pipila ka piniriso.

Sumala pa ni Senior Superintendent Pio Capistrano, dili matud pa istrikto ang ilang buhatan sa paghatag ug impormasyon ngadto sa mga media.kini  ang  subay lamang sa memorandum nga  gikan sa National Headquaters nga dili mohatag ug mga sensitibong impormasyon sulod sa maong buhatan ilabi na kung wala pa nasuta ang panghitabo. “Hindi po naman ganoon. Hindi po kami naghigpit.Paminsan minsan we are inviting our media to conduct an interview. Hindi po kami nagtatago. Actually, kapag mayroon pong unprevailing circumstances in our facility, our media people are open to conduct an interview. Pero kapag may nabalitaan lamang po sila na nangyari sa loob at biglang nag-iinsist pumasok at hindi pa po natin navalidate, hindi po namin pinapayagan, we have to seek clearance from the Regional Director and National Headquaters.” pahayag ni Senior Superintendent Capistrano. (Gretchen Oliver)