Nakaplagan sulod sa pula nga Pajero nga adunay Plaka nga XHG 626 ang 13 ka pakite nga Shabu, .38 revolver ug mga buhing bala sa armalite human nga giharangan kini sa mga kapulisan sa Check Point sa DARBCI tulo ka adlaw sa dihang gipakanaug ang Search Warrant nga gi isyu ni Hon. Judge Oscar Noel Jr. sa RTC Branch 35 niadtong milabay’ng Semana. Gikomperma ni Pinsp. Judgie Barotas ang labaw sa Compac nga giharang nila kini human nakadawat sila ug impormasyon gikan sa General Santos City Police Office (GSCPO) nga adunay matud pay Sakyanan nga nahilambigit sa “Hit and Run “gikan sa Polomolok ug naniun ug armas dayung gikulata mga reklamante. Nasikop ang drayber nga si Juancho “Johny “Tancinco matud pa maoy gituohang tag iya sa mga parapernalyas sulod sa Sakyanan. Padayon pang giila ang duruha ka mga kaubanan niini nga babaye ug lalaking sakay nga wala masuta kung asa kini mikanaug gikan sa maong sakyanan. Mag atubang ang nahisgutan sa kasong paglapas sa RA 9165 ug iligal nga paghupaot ug armas kung mapamatud an nga wala kini lisensya. (Joemar Plasabas / M. Mamacog)
No comments:
Post a Comment