Cong. Manny Pacquiao gipasalamatan sa mga Prosecutors

GIPASALAMATAN sa mga Prosecutor sa nasud si Congressman Emmanuel Dapidran Pacquiao bisan paman wala kini nakatungha sa Pacman’s Night isip usa sa mga aktibidades sa ika-23^rd National Convention of the Prosecutors League of the Philippines kung asa busy kini sa pagbansay aron sa pagpangandam sa umaabot nga fight niini batok kang Sugar Shane Mosley. Pinaagi sa “video” gitimbaya sa pambansang kamao ang mga prosecutors ug adunay pay gihatag nga mensahe nga ang hustisya dili lamang sa mga adunahan kun dili alang sa tanang mga katawhan ilabi sa nasud Pilipinas. Atol sa maong kagabhion anaa usab ang inahan ni Pacman nga si Mommy D. (Pacmom), igsoon niining si Brgy.Capt.Ruel Pacquiao sa Apopong ug Isidra Pacquiao. Nanghatag usab ug mga papremyo ang nahisgutang boksidor sa mga Prosecutors pinaagi sa pag-raffle samtang adunay usa ka prosecutor nga nakadawat ug ph100, 000.00, baynte ka mga prosecutors nga nakadawat ug tag ph5, 000.00 mga mug, T-Shirt ug kalo nga adunay hulagway ug pirma ni Manny. Sa pikas bahin, malampuson nga nahuman ang Prosecutors League of the Philippines National Convention sa KCC Convention and Event Center nga gitambungan pa ni Pangulong Benigno Simeon Aquino III isip “Keynote Speaker”, Justice Sec. Leila De Lima ug City Mayor Darlene antonino Custodio. (Ed Angeles)