MAKAR PNP-Posibleng selos ang hinungdan sa pagpamusil sa usa ka Forklift Operator nga si Nestor Abeco, 48 anyos ang panuigon ug mulupyo sa Purok 10 Lanton, Brgy. Apopong, Gensan. Nakaangkon ug samad pinusilan ang biktima sa likod nga bahin ug usa niini sa liog.Matud pa sa biktima niadtong higayuna, samtang mipauli na kini gikan sa trabaho sakay ang kaugalingong motorsiklo, kalit nga gisundan sa duha ka wala mailhing suspetsado, ug dayong gipusil sa upat ka higayon sa dalang Espina, Brgy. Labangal.
Padayon pang giimbistigahan sa Makar Police ang mga posilbleng mutibo sama sa Carnapping, selos, ug personal nga bangi.
Gipangita na sa kapulisan ang duha ka mga wala mailhing suspetsado.
Kasamtangan nga nagpabilin sa Balay Tambalanan ang naasoy’ng Biktima. Samtang gitigom pa sa kapulisan ang mga detalye aron matumbok ang mga responsible. (Joemar Plasabas )
No comments:
Post a Comment