NANAWAGAN karon ang BJMP ngadto sa City Health Office ug lokal nga panggamhanan nga tabangan ang ilang buhatan sa pagpahigayon ug regular check up, paghatag ug mga tambal ngadto sa mga piniriso aron matambalan ang adunay sakit ug malikayan ang hinanaling kamatyon sa mga binilanggo.ang panawagan sa maong opisyal ang subay sa mga isyung migawas nga nagpasagad sila nga maoy hinungdan nga daghan na ang namatay sa maong bilangguan. Nasayran nga pito na ka mga piniriso ang namatay sulod lamang sa napulo ka adlaw sa walay tinong hinungdan.Samtang sagad sa mga nanagamatay ang adunay kasong RA 9165 kon paglapas sa paggamit sa ginadili nga droga nga ilhang sila Utto, Padal ug Mangellen. Namatay usab sa tungod sa highblood silang Barangan, Herodiaz ug Tamsey. Namatay usab si Doling tungod sa atake sa sakit sa kasing kasing. Sa kasamtangan, adunay dos mil kwarto syentos syetentay otso (2,478) ka piniriso ang ila karong gihuptan kung diin tag singkwenta pesos (P50.00)matag piniriso ang ang budget sa kaon matag adlaw. Gisaysay ni Regional Director Jail Senior Superintendent Pio Capistrano nga sa Region 12 adunay budget sa tambal nga P128,000 kon tres pesos (P3.00) matag piniriso. Giangkon ni Senior Superintendent Capistrano nga naglisod gayud sila sa pagbudget sa maong kwarta aron lang ipaigo sa mga piniriso. (Gretchen Oliver)
No comments:
Post a Comment