GENERAL SANTOS CITY-Mas gipahugtan pa karon ang seguridad sa syudad sa Heneral Santos kini subay usab sa mando ni Pangulong Benigno Aquino III sa tanang syudad ug aron matud pa magpabiling hapsay ang pagsaulog sa Semana Santa sa tibook nasud. Niadtong nakalabay’ng semana gipatawag sa Gensan City Police Director Senior Superintendent Cedric Train ang tanang mga precint commanders aron ipatuman ang maong direktiba. Gawas sa mga nakapatrolyang kapulisan, nagbutang usab sila ug mga assistance center sa terminal sa bus, mga pantalan ug sa mga National Highway. Gilaumang libuan ka mga katawhan ang modayo ning semanaha sa dakbayan aron mangaligo sa dagat ug mobakasyon samtang ningsaad usab ang Philippine Coast Guard sa syudad nga magbutang sila ug mga ginsakpan aron magbantay ug magpatrolya sa tibuok Sarangani Bay. Sa pikas bahin nagpasidaan ang pipila ka mga obispo sa Simbahang Katoliko nga sayup matud pa ang naandan sa pipila ka mga katawhang Pilipino nga maglipay atol sa Semana Santa tungod mao matud pa kining panahon nga magpenitensya, magbuhat ug maayo sa isigkatawo, mangumpisal ug dili matud pa magreunion kun mag-outing kauban ang pamilya.
(Ed Angeles)
No comments:
Post a Comment