Nakigduyog ang hut-ong sa kasundaluhan sa pag selebrar sa Earth Day niadtong dominggo Abril 24,2011 pinaagi sa usa ka programa. Gipangunahan ni Capt. William Alfred Rodriguez, tigpamaba sa 1002nd Brigade sa Philippine Army ang nahisgutang grupo kun asa adunay tema kini nga “Takbo Para sa Kalikasan”. Nagpartisipar usab ang kasundaluhan sa Coastal Clean-Up sa Queen Tuna Park ug Song fest activity nga gipahigayon sa KCC Mall of Gensan. Gi-organisa sa Mindanao Media Services inubanan sa 1002nd Brigade, 102th Community Defense Cetner, 12RCDG, ARESCOM,PA, General Santos City Eagles Club ug City Environment and Natural Resources ang nahisgutang programa. Nagpasalamat usab ang Non Government Organization kon NGO sa pag suporta sa kasundaluhan sa ilahang mga programa susam na sa pag protekta sa kinaiyahan. Sigon pa ni Capt. William Rodriguez,usa kini sa kamanduan sa Armed Forces of the Philippines sa pag protekta sa katawhan ug sa kinaiyahan pinaagi na usab sa pagsuporta sa mga polisiya sa panggamhanan sa environmental protection. (Rhay M. Dela Cruz)
No comments:
Post a Comment