NAGPASALAMAT ang International singing sensation Charice Pempengco ngadto kang Pound for Pound King Congresman Manny Pacquiao tungod si Charice ang gipili ni Pacman nga mukanta sa Philippine National Anthem “Lupang Hinirang” sa umaabot nga away niini kang Sugar Shane Mosley sa MGM Grand Arena Las Vegas, Nevada karong Mayo 7. Base sa gipagawas nga tweet ni Charice blessing matud pa para kaniya ang pagpili sa kongresista hinungdan nga dako ang pagpasalamat niini. "Thank you Sir Manny Pacquiao for choosing me to sing the Philippine Nat'l Anthem for your fight. Feel really blessed :)," Mismong ang adviser pa ni Pacquiao nga si Michael Koncz ang mipili kang Charice nga mukanta sa away . Nagka istorya na matud pa si Koncz ug Charice sa Los Angeles ug gibutyag niini nga naghinam hinam na karon ang International singer tungod milyon matud pa ang manan-aw sa maong away. (Kathy Kasayan)
No comments:
Post a Comment