Pacquiao “Best Paid Athlete of 2010” - ESPN Magazine

Giila isip “Best paid Athlete of 2010” sa ESPN The Magazine ang Pinoy boxing icon Manny Pacquiao sulod ug gawas sa ring human sa duha ka sunod-sunod nga kadaugan niadtong nakalabay’ng tuig kang Joshua Clottey (Marso) ug Antonio Margarito (Nobyembre). Si Pacquiao nag tinguhang morehistro sa iyang 14 ka sunod-sunod nga daog karong Mayo8 batok kang Sugar Shane Mosley didto sa Las Vegas. Gikan sa maong duha ka away, ang fighting congressman gibana-banang mikita og $32 million kun P1.376 billion. Si Pacquiao nakigtabla sa sikat nga baseball player sa New York Yankees nga si Alex Rodriguez nga usa usab sa mga atleta nga dako’g nakita niadtong miaging tuig. Ang maong bilyong salapi nga na-income ni Pacquiao wala pa matud pay labot sa mga kita niya sa endorsement, appearance fees, sponsorship deals ug laing extra income sa boksidor. Nagsunod sa listahan si Formula One champion Kimi Raikkonen (Php1,132, 333,319) ug NBA superstar Kobe Bryant (Php1,066,400,000). Lakip usab niini ang soccer player nga si Cristiano Ronaldo, horse racer nga si Ramon Dominguez, tennis superstar nga si Rafael Nadal ug mga golfers nga sila si Luke Donald ug Kim Clijsters.(Ed Angeles)