Giplanohan na sa mga Brgy. Officials sa Brgy. Apopong ang igahin nga 5M Project nga gikan sa PBA. Matud pa ni Hon. Mike Mamacog, Chairman sa Infra nga ila nang gihikay ang tanan aron mahatag na kini ug mabahin-bahin alang sa mga proyekto sa Barangay Apopong.
Nag-una niini mao ang Patubigan sa tibuok barangay sama sa Lanton ug Purok Maunlad, pag-renovate sa mga brgy. buildings sa nagkadaiyang departamento, gahin alang sa health, Day Care Center, development projects alang sa Mini Plaza sa Sto Nino, Drainage System, beautification ug kadalanan.
Mapasalamaton ang mga “constituents” sa maong barangay tungod sa kakugi sa mga opisyal ug ila na matud pang madawat ang tinud-anay nga serbisyo.
Una na nga gisugdan ang mga proyekto sa nahisgutang dapit sukad nga nahimung amahan sa barangay si Kapitan Ruel Pacquiao ang igsoon ni “8th Wonders of the Wold” Congressman Manny Pacquiao. Ang tumong nga mao ang serbisyong tinud-anay ug walay gitan-aw makabus ka man kon adunahan. (Joemar Plasabas)
No comments:
Post a Comment