Dako ang posibilidad nga maangkon sa Talk ’N Text ang kadaugan sa nagpadayong PBA Commissioner’s Cup best-of-seven championship series batok sa Barangay Ginebra Kings. Sumala pa sa pipila ka mga sports analysts nga lyamado ang tropang texters tungod tulo matud pa ka mga players sa nahisgutang team ang anaa sa top 10 Best Player of the Conference sa 2011 PBA Commissioner’s Cup samtang usa lamang ang naapil sa Ginebra nga si Mark Caguioa (26.231). Ang tulo ka mga Tropang Texters nga anaa sa Top 10 mao silang Jimmy Alapag top 4 (29.333), Kelly Williams top 5 (29.167) ug Ranidel De Ocampo top 6(28.667). Samtang gigunitan usab ni Joe Devance sa Alaska ang unang pwesto alang sa Best Player of the Conference, bisan wala kini kasulod sa Quarter Finals. Sigon pa usab sa kadaghanan, ang pag-akupar sa tulo ka mga tropang texters sa Top 10 best players dili kini basihan. Sa kasamtangan padayon gihapon ang panagtigi sa duha ka team. (Ed Angeles)
No comments:
Post a Comment