Thailand Trip sa mga BM, supak sa Code oF Conduct –DILG

GIKUMPIRMA ni Provincial Director Flor Limpin, Department of Interior and Local Government (DILG) nga nakasupak sa Code of Conduct and Ethical Standard of Public Official ang pagbiyahe unta sa mga Board Members sa nasud Thailand kaniadtong April 03, 2011.

Sa sulat nga gipadala sa Sarangani Provincial Office sa DILG sa ilang central office sa Manila, nagkanayon kini nga dili pwede nga mubiyahe sila sa Thailand nga gasto sa Glow Power Plant gumikan kay dunay interest ang pamilya ni Governor Miguel Rene Dominguez sa maong kumpanya.

Nasayran nga ang Conal Holdings, iya kini sa pamilya sa gobernador sa probinsiya sa Sarangani ug kini nga kumpanya ang mopatukod ug Coal Fired Power Plant sa Kamanga, Maasim, Sarangani Province.

Una nang gipahayag ni Board Member Eleanor “Nene” Saguiguit, Committee Chairman On Environment nga ang katuyu-an sa ilang biyahe unta sa Thailand aron tan-awon ang coal fired power plant didtong dapita kung kini makadaut ba sa atong kinaiyahan pag diri na sa Maasim itukod ang susamang design nga coal fired power plant.

“Ang opinyon sa DILG Central Office, it might violate code of conduct and ethical standards of public officials tungod kay, siyempre may,….ang family ni governor, may interes sa company”. matud ni DILG PD Flor Limpin. (Arnel Arsolon)