Tungod sa TRO mga AIM –Councilors, Absent?

GIKWESTYON karon sa mga “constituent”sa GenSan ang kalit nga pag absent sa mga City Councilors sa gipahigayong 40^th Regular session sa Sangguniang Panglungsod niadtong Abril 28, 2011. Sa 15 ka mga opisyal unom lang dinhi ang mitungha sa hawanan sa konseho mao silang City Councilor Dante S. Vicente, Vivencio E. Dinopol, Virginia T. Llido, Marius Orlando A. Oco.

 Kumpleto ang presensya sa opposition councilors nga silang City Councilor Ronnel C. Rivera, Dominador S. Lagare ug Vice Mayor Shirlyn Bañas Nograles. Samtang silang City Councilor Margareth Rose N. Santos, Eduardo Leyson ug Richard L. Atendido naka on-leave, special travel usab silang City Councilor Lourdes Casabuena ug Beth B. Bagonoc, sick leave usab silang City Councilors Nepthalie P. Natividad ug Remus P. De Claro ug absent usab ang president sa SK Federation Mac Alejandre Tablazon. Sa maong panagtigum gihingusgan ni Kagawad Dante ug Llido nga wala matud pay sabotahe nga nahitabo sa pag absent ug leave sa mga nahisgutang konsehal. “I’ll respect the decision of the judge, No, if there is sabotage there, I myself will not attend , Si kag. Bagonoc as well as Casabuena they had a valid reason naman. Siguro kong ako nga if my sabotage dyan  kasama na ako. Walang sabotage dyan kasi kami din naman ang masira at maapektuhan.” Matud pa  ni Kag. Llido.

 Sa pikas bahin dako ang panghinaut  ni City Councilor Orlando Oco nga mapadali ang proseso sa korte ug ginarespeto matud pa niini ang desisyon mahitungod sa IRP. “I hope na mapabilis na ang proseso ng korte para maging maayos na ang lahat at nirerespeto ko naman ang desisyon regarding don sa IRP.”

Alang kang Kagawad Dinopol, gikinahanglan matud pa nga anaay nahitabong preliminary hearing arun sila mahatagan ug higayon nga ma ingon ang ilang katungod isip konsehal. Apan sa maong panghitabo mas maayo na lang daw nga respituhon ang maong desisyon arun dili na mudako pa ang isyu.

Naglaum si Kagawad Ronnel C. Rivera nga magkita-kita na lamang sunod semana sa Sanggunian Panglungsod  “Di ko lang gusto i-speculate no, baka talaga nagkasakit.. but hopefully next session magkaroon na ng quorum para maraming pag usapan. Sana ah..get well soon..kita-kita tayo dito next week sa Sanggunian. “

Hinoon gipaabot pa ang tubag sa mga nag-absent nga mga konsehal arun usab nga masayran ang ilang mga rason kung nganong wala sila makatungha sa milabay nga session. (Kathy Kasayan, Ed Angeles, Gretchen Oliver)

Landslide sa Kiamba, 1 patay

Kiamba Sarangani Prov.-Patay ang usa ka 27 anyos nga biktima human nga ningdahili ang yuta sa kabukiran sa Brgy. Tamadang, Kiamba, Sarangani province, kaniadtong, April 15, 2011.

Naila ang biktima nga si Jeffrey Sodao, residente sa nahisgutang dapit.

Sigon pa sa mga naka-saksi sa maong hitabo, kusog kaayo ang ulan niadtong panahuna, kalit nga duna’y buhawi nga dunay dalang tubig ang ning-agi sa ilang dapit.

Hinungdan sa panghitabong landslide sa bukid nga bahin sa Brgy. Tamadang ug gikaguba sa pipila ka mga punuan sa kahoy.

Sa pamanahayag ni Community Environment and Natural Resources Officer (CENRO) Wahid Amella nga wala’y illegal logging nga nahitabo diha sa nahisgutang barangay nga dunay landslide tungod kay kini usa ka Community Based Forest Management(CBFM) area.

Dugang gikanayon ni CENRO Amella nga gumikan sa buhawi nga dunay tubig, nahitabo ang landslide sa nasampit nga dapit.

Nasayran sa mga katawhan sa nahisgutang dapit nga duna na’y mga nanggawas nga mga balita nga dunay minahan sa maong dapit nga gikalambigitanm sa pipila ka mga tag-as nga opisyal sa probinsiya sa Sarangani.

Hangtud karon padayon pang gina-monitor sa CENRO ang nahisgutang lugar tungod sa padayon pagbundak sa ulan karong panahuna.  (Arnel Arsolon)

“Luwas ang mga residente hadool sa RADYO ALERTO”- Engr. Labadia

GIPASABOT ni Engineer Rex Labadia ang Regional Sanitary Engineer  sa Department of Health (DOH) Center for Health Development, Davao Region sa mga katawhan ilabi na sa mga residente nga haduol sa area sa RADYO ALERTO nga dili delikado ang radiation gikan sa antenna cell site tower. Wala matud pay angay nga kabalak-an ang mga katawhan nga duol sa gipatindugan ug tower nga nahimutang sa Yumang Street Barangay San Isidro, General Santos City. “Itong sa Radyo wala masyadong naging controversy, kaya hindi kami naka focus dito. Ang cell site tower ang kontrobersyal, lalo na maraming gumagamit ng cellphone. Kong titingnan nyo ang cellphone mas dangerous yan compared sa antenna ng cell site tower,” pamahayag ni Engr. Labadia. Usa sa mga gibasihan mao ang gipahigayong study sa DOH kabahin sa Manila Broadcasting Network company sa Cebu City, nga anaa sa kwarentay dos metros lamang ang distansya gikan sa tumoy sa tower ang makaapekto sa tawo mahitungod sa hisgutanang radiation. Ang 42 metros base kini sa kakusgon nga frequency sa istasyon nga adunay 22,000 watts.

Ang bag-ong gitukod nga RADYO ALERTO(Sarangani Broadcasting Network Inc.) aduna lama’y kakusgon nga 5, 000 watts, buot ipasabot matud pa nga mas luwas sa radiation ang mga katawhan nga haduol sa area sa bag-ong sibianan nga tukuron .  (Ed Angeles)

Congressman Acharon, dismayado!

Dismayado si kanhing Mayor ug karon Congressman Pedro Acharon Jr. sa pagkadaut sa General Santos City Plaza. Nasayran nga nadaut na ang pila ka bahin sa maong plaza, mga poste sa suga hilabi na ang fish pond kung diin kapin duha na kini ka dominggo nga wala na’y tubig ug aduna na’y mga basura.

Giangkon ni Congressman Pedro Acharon Jr. nga dismayado gayud kini tungod bag-o pa lang nag-abre ang plaza naguba na kini.. “Yong pagkasira ng plaza ay depende sa mga taong gumagamit. We built that for our people , for the enjoyment of our people. So I hope, sana proteksyonan din ng mga tao. Sila din ang sumisira eh. As a matter of fact , yong bagong open yan nasira na agad. Ako po ay frustrated din na hindi nabantayan ng mga tao natin but I hope, I’m calling all the people na tulungan nating i-maintain, i-preserve yon gating plaza because that is for all of us.” Pahayag ni Congressman Acharon.

Kahinumduman, sukad gisugdan ang Plaza Heneral ubay ubay ang nibatikos tungod sa kapin trenta’y kwatro milyones nga budget niini. Nagpahigayon ug imbestigasyon ang COA mahitungod sa maong budget apan wala’y nakitang anumalya.

Gibutyag ni Mayor Darlene Antonino-Custodio nga naguba ang maong fish pond tungod sa linog nga nasinati sa dakbayan ug dili matud pa back job ang gibuhat sa mga constructor. “Ang kagandhan Gensan ang nagmi-maintain nyan. Yong sa pond, may maliit na crack its because of earthquake. So nag-lick sya. So kailangan lang syang i-reapir and we need money to repair it kasi hindi sya yong tipong pwede lang tabunan.” pahayag ni Mayor Antonino. (Gretchen Oliver)

ICP gidayeg ni Sec. Gazmin

Gidayeg ni National Defense Secretary Voltaire Tuvera Gazmin ang pagbutang sa Incident Command Post sa 10^th Infantry Division sa Philippine Army aron sa paspas nga pag rescue ug media coverage sa nahitabong landslide sa Pantukan, Compostela Valley Province. Gitukod ang Incident Command Post sa Pantukan Municipal Hall kun asa gipangunahan ni Lieutenant Colonel Camilo Ligayo, commander sa 71st Infantry Battalion inubanan sa Local Government Unit ug Philippine National Police kini aron masiguro nga ma rescue pa ang mga biktima nga na trap sa minahan. Sa gipahigayong briefing, ipatuman ang long term policy sa lokal nga opisyal ug national agencies nga girekomenda ni Sec. Gazmin aron mapugngan na ang susamang panghitabo. Gipalihok na sa 10^th infantry division ang ilahang disaster relief group gikan sa 1001^st brigade gilangkuban sa k-9 unit, medical team ug search and retrieval group sa Phil. Army. Sa gipagawas nga datos sa Local Government Unit aduna nay trese katao ang na rescue, walo ang patay ug kinse pa ang missing. Nagpahamtang na usab ug 24 hour deadline ang Phil. Army aron pahawaon ang mga residente sa nahisgutang lugar. (Rhay M. Dela Cruz)