Pacquiao Groups of Companies 2nd Yr. Anniversary Activities

A-MONTANA RESORT

EMPLOYEES FUN WALK

3 Pinoy, undercard sa Pacquiao-Marquez Trilogy

Kumpirmadong tulo ka mga Filipino Fighters ang nahilakip sa undercard event sa gikahinamang panagsangka ibabaw sa Ring nilang  8-Division World Champion Manny Pacman Pacquiao batok kang Juan Manuel Marquez karong petsa 12 bulan sa Nobyembre tuig kasamtangan didto sa Nevada, USA. Apil sa maong listahan silang Undefeated WBO Oriental Featherweight Champion Lorenzo Villanueva, Philippine Welterweight Champion Dennis Laurente ug Junior Bantamweight Fernando Lumacad.  Samtang gi-angkon usab ni coach Freddie Roach nga wala gayud nagpaapekto ang pambansang kamao sa iyang training didto sa Baguio City bisan paman sa kakusog sa hangin ug ulan dala sa bagyong Pedring.  Gilauman usab nga mapatumba sa Filipino boxing Sensation Pacquiao si Mexican Boxer Marquez sa round 6. Kini ang panlantaw sa sparring partner ni Pacman nga si Lightweight Venezuelan boxer Jorge Linares. Samtang mas sayo pa sa round 6 ang pangagpas ni conditioning coach Alex Ariza. “It will be earlier than you would think, He is more complete now. He has much more the speed, power and explosiveness, Marquez may be a bit smarter and more precautious now. But at the end of the day that will not win you the fight.” Matud ni Ariza.
 (Ed angeles)

KBP-SarGen Induction gipahigayon!

KAPISANAN NG MGA BRODKASTER SA PILIPINAS SAR-GEN CHAPTER – Anchor Driving Range, National Highway, Gensan.  Inducting Officer Atty.Virginia Jose (KBP-National Standard Authority) KBP Chairman (Sargen) Mr. James Catalan-Radio Phils. Network, Vice –Chairman Mr. Isidro Pascual-Killer Bee, Treasurer Fr. Joy Peleño-DXCP, Secretary Aileen Matanguihan-HOME Radio, Auditor Lito dela Peña-DXGS, Standard Authority Al Josol-Radio-Mindanao Network, Board Of Director David “Bambee”Doctolero-Radyo ALERTO (Sarangani Broadcasting Network Inc.) Photo By:Joemar Plasabas

KBP SARGEN CHAPTER-Malampusong gipahigayon ang Kapisanan ng mga Brodkaster sa Pilipinas (KBP) Induction of Officers sa Sarangani ug General Santos City District niadtong Mayo 20, 2011 sa Anchor Driving Range atul sa KBP examination kung asa(40) kwarenta ka mga magsisibya gikan sa tri-media industry ang mikuha sa maong eksaminasyon.

 Gipanguluhan sa  KBP National nga silang Atty. Virginia Jose (KBP standards authority) ug Performance Officer Virginia Velasco ang maong selebrasyon nga midayo pa sa dakbayan sa Heneral Santos. Kumpleto usab ang mga opisyales sa KBP SarGen district nga silang KBP President-James Catalan, Vice President-Bebot Pascual, Secretary-Aileen Matanguihan, Treasurer-Fr. Joy Pelino ug Auditor-Lito dela Peña. Lakip na ang mga Board of Directors ug Station Manager sa ABS-CBN nga si Adel Sampayan, Sarangani Broadcasting-Bambee Doctolero, Bombo Radyo-Roldan Caliosan ug RMN-Alex Josol nga nanumpa atubangan sa mga susama nilang magsisibya.

Mihatag usab sa ilang suporta silang Vice Mayor Shirlyn Bañas-Nograles, City Councilor Ronnel Rivera ug Assistant City Administrator for Administration Glenville Gonzalez isip representante kang Mayor Darlene Antonino Custodio nga mihatag pa ug mensaheng maka-inspire ngadto sa mga media.

 Inubanan sa pagdayeg ni Atty. Jose sa mga magsisibya sa KBP SarGen district alang sa limpyo ug makatarunganong  pagpanibya gihimo sa mga media.

 Gitin-aw usab niini nga angayang sundon sa mga magsisibya ang KBP BRODKASTER Code kun Katotohanan, Bukas na isipan, Pananagutan, Balanse, Otoridad ng Saligang batas, Dangal at kagandahang asal, Katuwiran, Alaga at pag-iingat sa sarili, Sumusunod, Tapat, Epektibo ug Respeto.

 Sa kinatibuk-an nagmalampuson ug nahimong hapsay ang selebrasyon sa KBP Induction officers ug nagpasalamat ang tanan sa usa ka adlaw nga panagtigum nga nahitabo alang sa mga magsisibya.            (Kathy Kasayan)

Pabalay sa mga kabus, tumong ni Congressman

SARANGANI PROVINCE - Gawas sa Provincial Hospital nga pagatukuron ni Sarangani Congressman Emmanuel Dapidran Pacquiao, lain na usab nga proyekto ang giplanohan  ni Hon. Pacquiao.  Gikumpirma sa nahisgutang magbabalaud nga gipangitaan na niya ug paagi kung si kinsa ang makatabang kaniya kabahin sa “proyektong pabahay” alang sa mga kabus sa pito ka Munisipalidad sa Probinsya sa Sarangani.  Sa pakig hinabi sa ABANTE SOCSARGEN NEWS, gisaysay sa nahisgutang batan-ong magbabalaud nga iya nang gihinay-hinayan ug diskarte ang pangulo sa nasud nga si Benigno Noynoy Aquino III kabahin sa maong proyekto. “Ginawa ko ngayon  ay kinakausap ko yong pabahay ng Pangulo at ang pabahay ng Gawad Kalinga para sa lahat ng pitong Munisipyo para makapagbigay tayo ng pabahay sa mga mahihirap. Gagawin natin yan unahin natin yong Sarangani, dito ako lumaki, dito ako nagsimula dito din ako pinagkakatiwalaan ng mga tao, prayoridad ko ito bago ako tutulong sa ibang probinsya” kini ang pamahayag ni Cong. Pacquiao.  Kahibaluan susama ug tumong silang Pangulong Aquino ug Pacquiao  hinungdan nagpapili kini niadtong nakalabay’ng piniliay, mao ang pagsugpo sa kurapsyon ug ang kapubrehon sa nasud, “walang mahirap kung walang Corrupt.”

Sa pikas bahin, mapasalamaton ang kongresista sa mga Sarangan sa suportang gihatag kaniya ilabi na sa ulahing fight niini sa pagpanalipud sa iyang bakus nga World Boxing Organization Welterweight title. “Sa mga kababayan ko, salamat sa suporta ninyo kahit nasa ensayo ako o sa Manila man ako, ginagawa ko yong trabaho ko doon especially sa Provincial Hospital natin, malapit na.” (Ed Angeles)

COMELEC gipanghimakak ang isyung pagtago sa Voter’s ID

GIPAKLARO karon ni Election Assistant 2 Client Vincent Dumaguit ang isyu may kabahin sa alegasyon nga gipangtaguan sa ilang buhatan ang ubang mga Voters Identification Card.  Sumala pa sa nahisgutan, dili tinood ang maong alegasyon tungod aduna matud pay gipakanaug nga Memorandom ang Nasyunal nga temporaryong ihunong ang pagrelease ug mga ID aron susihon ug magpahigayon ug clearing sa isyung double registrants sa matag rehiyon ingon man sa tibuok nasud.

            Sa pikas bahin, balik  na sa normal nga serbisyo ang  COMELEC kung asa niadtong nakalabay’ng adlaw  nga Sabado temporaryong gihunong tungod sa pag expire sa Voters Registration System(VRS).  Kini human namahayag ang buhatan ni General Santos City Comelec Officer Atty. Jose M. Villanueva, pinaagi ni Election Assitant 2 Ellaine Mae O. Ugdaniel nga andam ug pwede na usab silang modawat ug mga magpa rehistro sa ilang buhatan.

            Gibutyag usab niini nga tungod sa Centralized nga sistema, gikinahanglang hulaton una nila  ang kumpirmasyon sa ilang Computerized voters list(CVL)  Technician nga gikan sa probinsya sa South Cotabato hinungdan nganong nadelatar ang ilang serbisyo sa katawhan. Gihingusgan niini nga walay mabag-o sa proseso sa pagparehistro diin magdala gayud sila sa mga rekusitos sama sa duha ka mga valid ID, birth certificate ug marriage contract alang sa mga magpa usab sa ilang civil status. Gidugang pa niini nga 50 ka mga magpa rehistro lang ang ilang dawaton matag adlaw sulod sa 18 ka bulan nga panahon nga gigahin sa ilang buhatan aron dili sila makompromiso sa mga katawhan nga mag gahin ug panahon alang sa maong pagparehistro.

            Nanawagan usab kini sa tanang katawhan sa dakbayan nga mangayo sila ug despensa sa maong panghitabo diin supak usab kini sa ilang kabubut-on. Gipasabot niini ang katawhan nga dili ang ilang mga himan nga kompyuter ang dunay problema kun dili ang mismong sistema nga normal nang gigama nga dunay expiration date, Busa normal lang ang maong panghitabo ug walay angayang kabala-an. Sa pikas bahin, mukabat usa kalibo na ang nagparehistro sa COMELEC sa syudad sugod niadtong Mayo 3, 2011. Samtang  wala pa usab niini gitino kung kanus-a ang insaktong petsa alang pag resume sa pag release sa mga nahisgutang mga ID’s. (Cris Legaspi)

Demolition sa Bulaong, 150 pamilya apektado!

APEKTADO ang kapin usa ka gatos ka mga pamilya human midaug sa kaso ang pamilyang Bulaong nga nanag-iya sa kapin 5,000 square meters nga luna nga nahimutang sa Barangay Dadiangas North sa dakbayan sa Heneral Santos. Base sa gipagawas nga desisyon sa korte mukabat lamang sa 4,000 square meters ang makuha sa mga pamilyang Bulaong samtang ang nahibiling 1,000 square meters magpabilin sa syudad. Lakip sa mga luna nga gipanag iyahan sa maong pamilya ang Bulaong Terminal nga gikaingong gihatag na sa pamilyang Bulaong sa syudad sa makadugay ng panahon. Kahinumduman nga niadto pang tuig 2009 plano untang magpatukod ang maong pamilya ug Public Market sa bakanteng luna “Proposed Gensan Mega Public Market at the present Bulaong terminal” apan hugtanon kining gibalibaran sa buhatan sa City Legal Office tungod sa gilay-on niini sa sentro sa syudad. Kung ugaling man ma-aprobahan ang maong sugyot pipila ka mga sibilyan ang mangreklamo tungod wala nahimutang sa saktong lugar ang palengke hinungdan nga wala na lamang kini gitugutan sa maong buhatan. Gumikan niini nagpabiling bakante ang luna hinungdan nga pipila usab ka mga residente ang mipuyo na lamang sa lugar. Mukabat ngadto sa pipila ka bulan ang pag asikaso sa maong kaso apan tungod sa kapakyasang nasinatian niini midesisyon na lamang ang pamilyang Bulaong nga bawi-on na lamang ang luna nga mukabat sa 150 ka mga pamilya ang maapektuhan. (Kathy Kasayan)